საქართველოში სულ მალე ნატო–ს სამეკავშირეო ოფისი გაიხსნება, რაც კიდევ უფრო ხელს შეუწყობს ჩრდილო–ატლანტიკური ალიანსისა და საქართველოს დაახლოებას. ამის  იურიდიულ საფუძველს ქმნის "ნატოსა და საქართველოს შორის ნატოს სამეკავშირეო ოფისის შექმნის, სტატუსისა და პერსონალის შესახებ" შეთანხმება, რომელიც საგარეო ურთიერთობათა, თავდაცვისა და უშიშროების, ევროპასთან ინტეგრაციის და უცხოეთში მცხოვრებ თანამემამულეებთან ურთიერთობის კომიტეტების ერთობლივი სხდომაზე დღეს  განიხილეს.

არასაპარლამენტო ოპოზიციური პარტიების მიერ კონსტიტუციის კანონპროექტთან დაკავშირებით  გამოთქმული შენიშვნების ნაწილი აუცილებლად იქნება გათვალისწინებული. შეთანხმება  ამის თოაბაზე პარლამენტის თავმჯდომარის  "ახალ მემარჯვენეებთან" და "მრეწველების" წარმომადგენლებთან შეხვედრებზე მოხდა.   

"ამომრჩეველთა ზუსტი სიის ფორმირებაზე"  იმსჯელეს დღეს ევროპის საარჩევნო მოხელეთა ასოციაციის (ACEEEO) მეცხრამეტე კონფერენციაზე, რომელიც  პარლამენტის თავმჯდომარემ, დავით ბაქრაძემ გახსნა.

საქართველოში ეუთოს მისიის აღდგენის აუცილებლობაზე ისაუბრეს პარლამენტში ვიზიტად მყოფმა ეუთოს გენერალურმა მდივანმა, მარკ პერინ დე ბრიშამბომ და პარლამენტის თავმჯდომარემ, დავით ბაქრაძემ. როგორც შეხვედრისას აღინიშნა, აქტიურად მიმდინარეობს მუშაობა თუ რა ფორმატით მოხდება ეუთოს მისიის აღდგენა საქართველოში.

საქართველოს პარლამენტის თავმჯდომარე, დავით ბაქრაძე "ჩვენი საქართველო–თავისუფალი დემოკრატების” თავმჯდომარეს, ირაკლი ალასანიას სახელმწიფო საკონსტიტუციო კომისიაში შეხვდა, სადაც კონსტიტუციაში შესატან ცვლილებებზე   იმსჯელეს.

საქართველოს პარლამენტის თავმჯდომარემ, საკონსტიტუციო ცვლილებების საყოველთაო-სახალხო  განხილვის საორგანიზაციო კომისიის თავმჯდომარემ, დავით ბაქრაძემ საქართველოში აკრედიტებული  დიპლომატიური კორპუსის წარმომადგენლებს კონსტიტუციაში შესატანი ცვლილებები   გააცნო.

საქართველოს პრეზიდენტის განკარგულებით, საქართველოს სუვერენიტეტისა და სახელმწიფოებრიობის განმტკიცების საქმეში შეტანილი წვლილისათვის ღირსების ორდენით დაჯილდოვდა გენერალი სერ გარი ჯონსონი. საქართველოს სახელმწიფოს მაღალი ჯილდო სერ გარი ჯონსონს საქართველოს პარლამენტის თავმჯდომარემ დავით ბაქრაძემ დღეს საზეიმო ვითარებაში გადასცა.

უცხოეთში მცხოვრებ თანამემამულეებთან ურთიერთობის კომიტეტის თავმჯდომარე ნუგზარ წიკლაური საქართველოში ირანის ისლამური რესპუბლიკის საელჩოს მეორე მდივანს, ამირ მანსურ მოჰამედს და ირანის ისლამური რესპუბლიკის საგარეო უწყების ექსპერტს, ჰაშემ ჩეგინს შეხვდა.  

პარლამენტის ბიუროს სხდომით დღეს საშემოდგომო სესია გაიხსნა. პარლამენტის თავმჯდომარის დავით ბაქრაძის განცხადებით, საშემოდგომო სესიის დაწყებისთანავე პარლამენტი  საკონსტიტუციო ცვლილებების პროექტის განხილვას შეუდგება. საკონსტიტუციო ცვლილებების პროექტის საყოველთაო–სახალხო განხილვის საორგანოზაციო კომისია მუშაობას უკვე ასრულებს. პარლამენტის თავმჯდომარემ კომისიის მუშაობა დადებითად შეაფასა და აღნიშნა, რომ ის შენიშვნები და რეკომენდაციები, რომელიც ამ განხილვებისას წამოიჭრა კომისიის შემაჯამებელ სხდომაზე  განიხილება.

პარლამენტის თავმჯდომარის მოადილემ, ანზორ ბოლქვაძემ უმაღლესი შეფასება მისცა ქედლების სათხილამურო ბაზისკენ მიმავალი 4.9 კმ–იანი გზის მშენებლობას. რკინა–ბეტონის გზა, რომელიც 5 მ. სიგანისაა და 20 სმ. სისქის რკინა–ბეტონით კეთდება, ბათუმი–ხულოს ავტომაგისტრალს სოფ. ქედლებთან დააკავშირებს. სამშენებლო სამუშაოებზე 55 კაცი დასაქმდა.

საქართველოსა და აშშ–ს შორის ურთიერთობების ყველა ძირითადი საკითხი იქნა განხილული  პარლამენტის თავმჯდომარის,  დავით ბაქრაძის ამერიკელ კონგრესმენებთან შეხვედრაზე.  მხარეებმა დეტალურად განიხილეს  საქართველოში მიმდინარე საკონსტიტუციო და საარჩევნო რეფორმები, ეკონომიკური პოლიტიკა,  უსაფრთხოების სიტუაცია და  ოკუპირებულ ტერიტორიაზე არსებული ვითარება. საუბარი ასევე გაიმართა   აშშ–ის კონგრესისა და სხვა საკანონმდებლო  ორგანოების მხრიდან   სამართლებრივ დონეზე ოკუპაციის დაფიქსირების საკითხზე.

კონსტიტუციური კანონპროექტის  მორიგი საყოველთაო-სახალხო განხილვა საქრთველოს მეცნიერებათა აკადემიაში შედგა. "საქართველოს კონსტიტუციაში ცვლილებებისა და დამატებების შეტანის შესახებ" საქართველოს კონსტიტუციური კანონის პროექტის განხილვაში მეცნიერებათა აკადემიის წევრებთან და თანამშრომლებთან ერთად  პარლამენტის თავმჯდომარე დავით ბაქრაძე მონაწილეობდა, რომელიც იმავდროულად  პროექტის საყოველთაო-სახალხო განხილვის საორგანიზაციო კომისიას ხელმძღვანელობს.

პარლამენტის წევრის, გიორგი ცაგარეიშვილის განცხადებით, კონსტიტუციური კანონპროექტის გამოქვეყნებისა და მისი საყოველთაო-სახალხო განხილვის კომისიას  საზოგადოება შეცდომაში შეჰყავს, როდესაც აცხადებს, რომ კონსტიტუციის ახალი პროექტი ნახევრად საპრეზიდენტო მოდელია. 

შრომის, ჯანმრთელობისა და სოციალური დაცვის სამინისტროს სტრუქტურული რეორგანიზაციის აუცილებლობაზე ისაუბრა დღევანდელ ბრიფინგზე ფრაქცია "ქრისტიან-დემოკრატების" მდივანმა, მაგდა ანიკაშვილმა. მას მიაჩნია, რომ უნდა ჩამოყალიბდეს ორი დამოუკიდებელი უწყება: ჯანდაცვის სამინისტრო და ოჯახის, დასაქმებისა და სოციალური დაცვის სამინისტრო.

კონსტიტუციური კანონპროექტის გამოქვეყნებისა და მისი საყოველთაო-სახალხო განხილვის საორგანიზაციო კომისიის წევრები სახალხო  დამცველთან არსებული ეროვნული უმცირესობების საბჭოს წარმომადგენლებს შეხვდნენ. განხილული იქნა კონსტიტუციაში შესატანი ძირითადი ცვლილებები.

ფრაქცია "ქრისტიან-დემოკრატები" სასკოლო ინვენტარის დეფიციტის გამომწვევი მიზეზების გასარკვევად ფრაქციის უახლოეს სხდომაზე ფინანსთა მინისტრის, კახა ბაინდურაშვილის მოწვევას ითხოვენ. ამ საკითხთან დაკავშირებით, ფრაქციის თავმჯდომარემ, გიორგი ახვლედიანმა, დღეს ბრიფინგი გამართა.