არასაპარლამენტო ოპოზიციური პარტიების მიერ კონსტიტუციის კანონპროექტთან დაკავშირებით  გამოთქმული შენიშვნების ნაწილი აუცილებლად იქნება გათვალისწინებული. შეთანხმება  ამის თოაბაზე პარლამენტის თავმჯდომარის  "ახალ მემარჯვენეებთან" და "მრეწველების" წარმომადგენლებთან შეხვედრებზე მოხდა.   

"ამომრჩეველთა ზუსტი სიის ფორმირებაზე"  იმსჯელეს დღეს ევროპის საარჩევნო მოხელეთა ასოციაციის (ACEEEO) მეცხრამეტე კონფერენციაზე, რომელიც  პარლამენტის თავმჯდომარემ, დავით ბაქრაძემ გახსნა.

საქართველოში ეუთოს მისიის აღდგენის აუცილებლობაზე ისაუბრეს პარლამენტში ვიზიტად მყოფმა ეუთოს გენერალურმა მდივანმა, მარკ პერინ დე ბრიშამბომ და პარლამენტის თავმჯდომარემ, დავით ბაქრაძემ. როგორც შეხვედრისას აღინიშნა, აქტიურად მიმდინარეობს მუშაობა თუ რა ფორმატით მოხდება ეუთოს მისიის აღდგენა საქართველოში.

საქართველოს პარლამენტის თავმჯდომარე, დავით ბაქრაძე "ჩვენი საქართველო–თავისუფალი დემოკრატების” თავმჯდომარეს, ირაკლი ალასანიას სახელმწიფო საკონსტიტუციო კომისიაში შეხვდა, სადაც კონსტიტუციაში შესატან ცვლილებებზე   იმსჯელეს.

საქართველოს პარლამენტის თავმჯდომარემ, საკონსტიტუციო ცვლილებების საყოველთაო-სახალხო  განხილვის საორგანიზაციო კომისიის თავმჯდომარემ, დავით ბაქრაძემ საქართველოში აკრედიტებული  დიპლომატიური კორპუსის წარმომადგენლებს კონსტიტუციაში შესატანი ცვლილებები   გააცნო.

საქართველოს პრეზიდენტის განკარგულებით, საქართველოს სუვერენიტეტისა და სახელმწიფოებრიობის განმტკიცების საქმეში შეტანილი წვლილისათვის ღირსების ორდენით დაჯილდოვდა გენერალი სერ გარი ჯონსონი. საქართველოს სახელმწიფოს მაღალი ჯილდო სერ გარი ჯონსონს საქართველოს პარლამენტის თავმჯდომარემ დავით ბაქრაძემ დღეს საზეიმო ვითარებაში გადასცა.

საქართველოსა და აშშ–ს შორის ურთიერთობების ყველა ძირითადი საკითხი იქნა განხილული  პარლამენტის თავმჯდომარის,  დავით ბაქრაძის ამერიკელ კონგრესმენებთან შეხვედრაზე.  მხარეებმა დეტალურად განიხილეს  საქართველოში მიმდინარე საკონსტიტუციო და საარჩევნო რეფორმები, ეკონომიკური პოლიტიკა,  უსაფრთხოების სიტუაცია და  ოკუპირებულ ტერიტორიაზე არსებული ვითარება. საუბარი ასევე გაიმართა   აშშ–ის კონგრესისა და სხვა საკანონმდებლო  ორგანოების მხრიდან   სამართლებრივ დონეზე ოკუპაციის დაფიქსირების საკითხზე.

კონსტიტუციური კანონპროექტის  მორიგი საყოველთაო-სახალხო განხილვა საქრთველოს მეცნიერებათა აკადემიაში შედგა. "საქართველოს კონსტიტუციაში ცვლილებებისა და დამატებების შეტანის შესახებ" საქართველოს კონსტიტუციური კანონის პროექტის განხილვაში მეცნიერებათა აკადემიის წევრებთან და თანამშრომლებთან ერთად  პარლამენტის თავმჯდომარე დავით ბაქრაძე მონაწილეობდა, რომელიც იმავდროულად  პროექტის საყოველთაო-სახალხო განხილვის საორგანიზაციო კომისიას ხელმძღვანელობს.

საკონსტიტუციო კომისიამ კონსტიტუციური კანონპროექტის  საყოველთაო-სახალხო განხილვის ფარგლებში მორიგი შეხვედრა საქართველოს ტექნიკური უნივერსიტეტში, უნივერსიტეტის პროფესორ-მასწავლებლებთან გამართა. შეხვედრაში მონაწილეობა მიიღო საქართველოს პარლამენტის თავმჯდომარემ, საყოველთაო-სახალხო  განხილვის საორგანიზაციო კომისიის თავმჯდომარემ, დავით ბაქრაძემ. მან შეკრებილ საზოგადოებას  კონსტიტუციაში შესატანი ძირითადი ცვლილებები გააცნო.

საქართველოს პარლამენტის თავმჯდომარე დავით ბაქრაძე 14 სექტემბერს  აშშ-ში მიემგზავრება. იგი იქნება ერთ-ერთი მთავარი მომხსენებელი დემოკრატიულ სახელმწიფოთა თანამეგობრობის ფორუმზე  (Community of Democracies). დემოკრატიულ სახელმწიფოთა თანამეგობრობის ფორუმი არის დემოკრატიული ქვეყნების სამთავრობათაშორისო გლობალური კოალიცია, რომლის ძირითადი მიზანია დემოკრატიული პრიცნიპების, ნორმების და ინსტიტუტების გაძლიერება მსოფლიოში. ამ კოალიციაში გაერთიანებულია 100-ზე მეტი სახელმწიფო.

ახალი საკონსტიტუციო პროექტის განხილვა ფოთში, სავაჭრო–სამრეწველო პალატის წევრებთან, ბიზნესმენებთან და საზოგადოების წარმომადგენლებთან გაიმართა. ქვეყნის უზენაესი კანონი დამსწრეებს პარლამენტის თავმჯდომარემ, დავით ბაქრაძემ და საყოველთაო–სახალხო განხილვის საორგანიზაციო კომისიის წევრებმა გააცნეს.

კონსტიტუციის კანონის პროექტის განხილვა ამჯერად თელავში, იაკობ გოგებაშვილის სახელობის სახელმწიფო უნივერსიტეტში გაიმართა. ქვეყნის უზენაესი კანონი უნივერსიტეტის სტუდენტ-პროფესურას და ადგილობრივ მოსახლეობას პარლამენტის თავმჯდომარემ, დავით ბაქრაძემ და საყოველთაო–სახალხო განხილვის საორგანიზაციო კომისიის წევრებმა გააცნეს.

კონსტიტუციის კანონის პროექტის მორიგი საჯარო განხილვა თავდაცვის სამინისტროში გაიმართა. საქართველოს პარლამენტის თავმჯდომარემ, დავით ბაქრაძემ  შეიარაღებული ძალებისა და თავდაცვის აკადემიის წარმომადგენლებს კონსტიტუციის ახალი პროექტი გააცნო.  

საკონსტიტუციო ცვლილებების სახალხო-საყოველთაო განხილვა გრძელდება. პარლამენტის თავმჯდომარემ, დავით ბაქრაძემ ქვეყნის უზენაესი კანონის პროექტი ილიას სახელმწიფო უნივერსიტეტის პროფესორ-მასწავლებლებს და სტუდენტებს წარუდგინა.

2008 წლის რუსული აგრესიის შედეგად დაღუპულ გმირთა პატივსაცემად წუთიერი დუმილით გაიხსნა  დღეს ბათუმში საკონსტიტუციო პროექტის სახალხო-საყოველთაო განხილვა.ახალი საკონსტიტუციო პროექტის განხილვა ამჯერად ბათუმის შოთა რუსთაველის სახელობის სახელმწიფო უნივერსიტეტში გაიმართა. ქვეყნის უზენაესი კანონი უნივერსიტეტის სტუდენტ-პროფესურას პარლამენტის თავმჯდომარემ, დავით ბაქრაძემ და სახალხო-საყოველთაო კომისიის წევრებმა გააცნეს.

საქართველოს პარლამენტის თავმჯდომარის მოადგილემ, რუსუდან კერვალიშვილმა ქ. გორში  კომპაქტურად ჩასახლებული დევნილებისთვის გამართულ ჰუმანიტარულ აქციაში მიიღო მონაწილეობა და ადგილობრივ მოსახლეობას ჯერ კიდევ არსებული პრობლემების გადაჭრის გზებზე ესაუბრა.

საქართველოს პარლამენტის თავმჯდომარემ, დავით ბაქრაძემ დღეს განმუხურში  "თავისუფლების ბულვარი" გახსნა. დავით ბაქრაძემ განაცხადა, რომ  "თავისუფლების ბულვარი", რომელიც წყდება და არა მთავრდება საოკუპაციო ზონის კედელთან, აუცილებლად  აფხაზეთში დამთავრდება: "ძალიან სიმბოლურია, რომ ეს ბულვარი წყდება  აქედან რამდენიმე მეტრში, იქ სადაც  საოკუპაციო ზონის  კედელია. ეს ბულვარი გაგრძელდება ამ კედლის იქეთ, ის   აფხაზეთში დამთავრდება და  ეს  აუცილებლად მოხდება.   "თავისუფლების  ბულვარი" გააერთიანებს საქართველოს,  გააერთიანებს   ქართველებს, აფხაზებსა და ოსებს, იმიტომ რომ ჩვენ გვაქვს ერთი ქვეყანა, ერთი ისტორია, ერთი მომავალი და ამ მომავალში კედლების  და მავთულხლართების ადგილი არ არის. ეს არის ჩვენი ქვეყნის ხვალინდელი დღე, ეს არის თავისუფალი და ღირსეული  საქართველოს  მომავალი – ერთიანობა, კეთილდღეობა და ყველა ეთნიკური ჯგუფის ერთად, ღირსეულად  ამ ქვეყანაში ცხოვრება".

ახალი საკონსტიტუციო პროექტი ქუთაისის აკაკი წერეთლის სახელობის სახელმწიფო უნივერსიტეტში გამართული შეხვედრისას განიხილეს. ქვეყნის უზენაესი კანონი უნივერსიტეტის სტუდენტ-პროფესურას პარლამენტის თავმჯდომარემ, დავით ბაქრაძემ და სახალხო-საყოველთაო კომისიის წევრებმა გააცნეს.