საქართველოში სულ მალე ნატო–ს სამეკავშირეო ოფისი გაიხსნება, რაც კიდევ უფრო ხელს შეუწყობს ჩრდილო–ატლანტიკური ალიანსისა და საქართველოს დაახლოებას. ამის  იურიდიულ საფუძველს ქმნის "ნატოსა და საქართველოს შორის ნატოს სამეკავშირეო ოფისის შექმნის, სტატუსისა და პერსონალის შესახებ" შეთანხმება, რომელიც საგარეო ურთიერთობათა, თავდაცვისა და უშიშროების, ევროპასთან ინტეგრაციის და უცხოეთში მცხოვრებ თანამემამულეებთან ურთიერთობის კომიტეტების ერთობლივი სხდომაზე დღეს  განიხილეს.

14 აგვისტოს საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, გიორგი არსენიშვილმა  და პარლამენტის წევრმა, გურამ კაკალაშვილმა მონაწილეობა მიიღეს ლაგოდეხში ჩატარებულ მეორე ქართულ-პოლონური კონფერენციის მუშაობაში.

ადგილობრივი თვითმმართველობის ორგანოების საქმიანობის სარეკომენდაციო აქტების პრეზენტაცია და ტრეინინგი ქობულეთის (11-13 ივლისი) შემდეგ გუდაურში გაგრძელდა (6-10 აგვისტო), სადაც შეიკრიბნენ მუნიციპალიტეტის საკრებულოს აპარატების უფროსები, საკრებულოს და გამგეობის იურისტები, სხვადასხვა კომისიის წარმომადგენლები – ის ადამიანები, რომლებიც უშუალო კოორდინაციას უწევენ ნორმატიული აქტების მომზადებას და მუშაობის პროცესში კონკრეტულ პრობლემურ საკითხებთან შეხება უხდებათ. ტრეინინგები ორ ნაკადად ჩატარდა და საქართველოს ყველა მუნიციპალიტეტის წარმომადგენლებს მიეცათ საშუალება, გასცნობოდნენ ტიპურ სარეკომენდაციო აქტებს, დაესვათ კითხვები კონკრეტულ პრობლემურ სიტუაციებთან დაკავშირებით და სპეციალისტებისაგან მიეღოთ პასუხები, თუ როგორ შეიძლება დარეგულირდეს ესა თუ ის საკითხი.

საქართველოს პარლამენტის თავმჯდომარის პირველი მოადგილე მიხეილმაჭავარიანი და ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე გიორგი არსენიშვილი მიმდინარე წლის 27 ივლისს თელავის რაიონს ეწვივნენ.

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, გია არსენიშვილმა იუსტიციის მინისტრის პირველ მოადგილესთან, თინა ბურჯალიანთან სამუშაო შეხვედრა გამართა.

ადგილობრივი  თვითმმართველობის  ახალ  ინსტიტუციურ  მოწყობასთან  დაკავშირებით, რეგიონული  პოლიტიკის  თვითმმართველობისა  და  მაღალმთიანი  რეგიონების კომიტეტის  ინიციატივით, 10-14 ივლისს ქობულეთში გაიმართა ახლად არჩეული  საკრებულოების  თავმჯდომარეებთან  შეხვედრა.

ევროპასთან ინტეგრაციის და საგარეო ურთიერთობათა კომიტეტების გაერთიანებულ სხდომაზე "საქართველოსა და სოფლის მეურნეობის განვითარების საერთაშორისო ფონდს  (IFAD) შორის ფინანსური შეთანხმება" განიხილეს.

კომიტეტმა მესამე მოსმენით განიხილა "საჯარო სამსახურის შესახებ"  კანონში შესატანი ცვლილებები,  რომლის თანახმად, გარდა კანონმდებლობით პირდაპირ გათვალისწინებული შემთხვევეებისა მოხელეთა რეზერვი უქმდება. ამასთან, რეზერვში ყოფნის დრო სამსახურის სტაჟში ჩაითვლება იმ შემთხვევაში, თუ ეს გათვალისწინებულია საკანონმდებლო აქტით.

"სახელმწიფო ქონების შესახებ" და მისგან გამომდინარე კანონპროექტები განიხილეს დღეს დარგობრვივი ეკონომიკისა და ეკონომიკური პოლიტიკის კომიტეტის სხდომაზე.

სათამაშო ბიზნესის მოსაკრებელი თითქმის ორჯერ იზრდება,  და შესაბამისად, გაიზრდება სახელმწიფო ბიუჯეტის შემოსავლებიც, მოსაკრებლის ოდენობის დადგენა კი თვითმმართველი ერთეულის პრეროგატივა იქნება. ამის შესახებ იმსჯელეს დღეს  საფინანსო-საბიუჯეტო კომიტეტის სხდომაზე, სადაც "სათამაშო ბიზნესის მოსაკრებლის შესახებ" საქართველოს კანონში ცვლილების შეტანის თაობაზე"  კანონპროექტი მეორე მოსმენით განიხილეს.

"საქართველოსა და სოფლის მეურნეობის განვითარების საერთაშორისო ფონდს (IFAD) შორის, 2010 წლის 8 ივლისს ხელმოწერილი ფინანსური შეთანხმება "სოფლის მეურნეობის ხელშეწყობის პროექტის" თაობაზე სარატიფიკაციოდ  აგრარულ საკითხთა კომიტეტის სხდომაზე დღეს საქართველოს ფინანსთა მინისტრის მოადგილემ, ნათია მიქელაძემ   წარადგინა.

ახალგაზრდებში ჯანსაღი ცხოვრების წესის დანერგვისა და სკოლებში მოსწავლეთა ფიზიკური აღზრდის გაუმჯობესების საკითხებზე იმსჯელეს სპორტისა და ახალგაზრდულ საქმეთა კომიტეტში.

"საქართველოს საგადასახადო კოდექსის" პირველი განხილვისას პარლამენტის წევრების მიერ  გამოთქმული შენიშვნები გაითვალისწინა კანონპროექტის ინიციატორმა მთავრობამ და დოკუმენტი მეორე მოსმენით წარუდგინა საფინანსო-საბიუჯეტო კომიტეტს.